Kooxo xagjiriin gaalo ah ayaa Talaadada maanta ah afaafka hore ee safaaradaha dowlada camiilka ah ee Turkiga iyo Masar ku hor gubay nuskho ka mid ah musxafka shariifka ah, xilli ay dalalka Denmark iyo Sweden ay kusii fidiyaan falalka nacaybka ah ee ka dhanka ah islaamka.
Falkan bareerka ah ee lagu gubay nuskho ka mida Qur’aanka kariimka oo maanta ka dhacay magaalada Copenhagen, ee caasimadda waddanka Denmarka, waxaa soo qabanqaabiyay kooxda midigta-fog ee ay ku fogaatay nacaybka ay u qabaan islaamka.
Kooxdan xagjirka ah ayaa dhacdadan ka dhanka ah islaamka kusoo beegtay maalin uun kaddib, markii ay sidaan oo kale nuskho ka mid ah Qur’aanka shariifka ah ku gubeen afaafka hore ee safaarada Ciraaq, iyadoo ay kasii horeeyeen 2 dhacdo oo bishii hore ka dhacay Sweden, kuwaas oo lagu gubay musxafka Qur’aanka kariimka.
Dowladaha Denmark iyo Sweden oo labaduba juquraafi ahaan wada dhaca waqooyiga qaaradda Yurub ayaa ka mid ah dowladaha gaalada ah ee ay ku fogaatay nacaybka ay u qabaan islaamka iyo ehelkiisa, waxayna dowladahan fasax ku siiyeen xagjiriintooda inay gubi karaan musxafka shariifka ah, iyagoo ku marmarsiyoonaya dhowritaanka waxay ugu yeeraan xoriyadda hadalka.
Milyaarka umadda muslimiinta ah ayaa dibadbaxyo ka dhan ah falalka ka dhigay caalamka, dadka go’aankan foosha xun ee dowladaha Iswiidhan iyo Denmark ka jawaab celiyay waxaa ka mid ah muslimiinta Ciraaq, kuwaas oo gubay dhismaha safaaradda Sweden ee Baghdaad.
Xarakada Mujaahidiinta Al-shabaab ayaa dhamaadka bishii lasoo dhaafay ee Dul-xijjah bayaan kulul oo ku qornaa luuqadaha Carabiga iyo English-ka kasoo saartay falalka dowladda Iswiidhan ay ku gubayso musxafka Qur’aanka kariimka.
