Murtad Cabdullahi Shimbir oo ah gudoomiyaha maamulka Riddada gobolka Gedo ugu mgacownaa maamul goboleedka isku magacaabay Jubbaland balse hadda la safan kooxda Riddada Soomaaliya iyo maleeshiyo uu wato ayaa kasoo degay garoonka diyaaradaha ee degmada Garbahareey, halkaas oo ay gacanta ku hayaan ciidamada saliibiyiinta Itoobiya.
Ninkan ayaa shir jaraa’id oo uu maanta ku qabtay gudaha garoonkaasi ayaa muddo 48 saacadood ah u qabtay guddoomiyeyaasha Riddada gobolka Gedo iyo masuuliyiinta kale, kuwaas oo uu faray inay mowqifkooda siyaasi caddeeyaan, gobolkana uu isagu masuul ka yahay.
Cabdullaahi Shimbir ayaa isaga iyo saraakiil kale oo ka socotay dowladda Ridada ah maalmo ka hor ilaa laba jeer laga celiyay inay kasoo degaan garoonka Garbahaarey, balse ugu dambayn maanta ayay kasoo degeen garoonkan oo ay gacanta ku hayaan ciidamada xabashida Itoobiya.
Kooxda Riddada Soomaaliya ayaa abaabul xooggan ka wada gobollada Gedo iyo Jubbada hoose, ka dib markii uu Axmed Madoobe markii 3-aad sheegay in loo doortay madaxweynaha maamulkaasi, golaha wasiirada ee xukuumadda Riddada ayaa ku amray wax ay ugu yeereen garqayaanka guud ee dowladda Riddada iyo maxkamadda sare in ay soo saaraan waaran ogolaanayo in lasoo xiro dagaal ooge Axmed Madoobe kadibna la maxkamadeeyo.
Khilaafka labada dhinac ayaa imika u muuqda mid qori caaraddiisa isku beddeli karta, maadaama hub uruursi iyo xashdi ciidan oo xooggan ay dhinacyadu wadaan, goobaha la filan karo inay labada dhinac isku qabtaan waa gobolka Jubbada hoose, gaar ahaan Raamkaambooni, halkaas oo ilaa 500 oo askari ay ka dejisay dowladda Riddada ah.
