K
ooxda Xassan Sheikh Maxamuud, ayaa markale gudaha dalkaTurkiga ku saxeexday heshiis qayb ka ah boobka khayraadka dabiiciga ah ee uu Allaah Subxaanahuu Watacaalaa ku mannaystay dadka Soomaaliyeed, kaas oo daba socda heshiiskii xaaraanta ee maamulka Badda Somalia loogu wareejiyay Ankara ee 8-dii Febraury ka dhacay dalkaasi.
Heshiiskan oo saxiixiisa uu ka dhacay Istanbuul oo si gaar ah u taabanaya baarista iyo soo saarista Hydrocarbon-ka, oo ah isha ugu muhiimsan ee tamarta adduunka, ayaa waxaa qalinka ku wada duugay wasiirada Batroolka iyo Kheyraadka Macdanta kooxda Riddada, Cabdirisaaq Cumar Maxamed iyo dhiggiisa dowladda Riddada ah ee Turkiga, Alp arslan Bayraq-dar.
Cabdirisaaq Cumar, oo ah wasiirka kooxda Gurguurte u saxeexay heshiiska ayaa mar uu arimahaasi ka hadlayay yiri “Aniga iyo dhiggeyga Turkiga, Alparsalan Bayraqdar, waxaan kala saxiixanay heshiis dowladeed oo laba geesood ah, kaasi oo ku saabsan horumarinta iyo soo saarista (Hydrocarbons-ka), oo ka mid ah kheyraadka dabiiciga ah ee dhaliya ilaha tamarta cayriin”.
Wasiiradan ka kala socda kooxda Xassan Sheekh iyo tan Erdogaan ayaa kala saxeexday heshiis rasmi ah oo Turkiga awood u siinaya in uu Soomaaliya ka baaro shidaal bad iyo berriba, waana bishii labaad oo ay kooxdaan Riddada ah xukuumadda cilmaaniga ah ee fadhigeedu yahay Ankara ugu saxiixayso qabsashada khayraadka dabiiciga ah ee dhex ceegaaga badda iyo berriga Soomaaliya.
