Inta la xaqiijiyay ku dhawaad 10 xubnood oo Kenyaan ah ayaa ku dhintay, halka tiro kalena ay ku dhaawacmeen, kaddib markii uu shil xooggan ka dhacay ismaamulka Machakos ee dalka Kenya.
Taliyaha booliska, ayaa sheegay in shilkan oo ahaa mid aad u xooggan uu sababay inay naftooda waayaan siddeed qof, kuwaas oo dhammaantood goobta uu shilku ka dhacay ku nafbaxay, shilka ayuu sheegay in uu si gaar ah uga dhacay waddada Katangi-Machakos iyo Nairobi, waxayna si gaar ah waddadan ugu dhowday buundada River Athi.
Wargeyska Star oo soo xiganaya Ilo wareedyo kale oo madax banaan ayaa sheegay in dadkii ku waxyeeloobay shilkaas loola cararay isbitaalka 5aad ee Machakos, si ay u helaan dawayn iyo daryeel caafimaad oo deg deg ah.
Shilkan ka dhacay ismaamulka Machakos ayaa ka mid ah shilalka Kenya ka dhaca ee ay dadka badan ku dhintaan, shalay ayay ahayd markii shil kan la mida oo ka dhacay ismaamulka Murang’a ay ku dhinteen 3 ka mid ah ardayda wax ka dhigta dugsiga hoose iyo dhexe ee ismaamulkaasi Murang’a.
