Saraakiil heer goboleed oo ka kala tirsan gaalada Kenya iyo kooxda ridada Soomaaliya ayaa kulan looga hadlayo Amaanka xumada ka taagan deegaanada saaran xad-beenaadka ku yeeshay magaalada Mandheera oo taabacsan gobolka NFD ee ku hoosjira gumeysiga gaalada Kenya sida ay ku soo waramayaan qaar ka mid ah warbaahinta dalka Kenya.
Mas’uuliyiin ka tirsan maamulka gobolka Mandheera ayaa warbaahinta u sheegay in kulanka uu u dhexeeyey wafdi ka socda Kenya oo uu kordhacayey Cali Roba, gudoomiyaha gobolka Mandera ugu magacaaban Gaalada Keny, iyo koox murtadiin ah oo uu hogaaminayey gudoomiyaha kooxda ridada ee ugu magacaaban gobolka Gedo, Maxamed Aadan.
Kulankan ayaa diiradda lagu saarayey xasilooni darada ka taagan deegaanada dhaca xad-beenaadka gobolada Gedo iyo Mandheera iyo weerarada xuduud tallaab ah ee ay Mujaahidiintu ay ka fuliyaan gudaha Kenya.
Gudoomiyaha gobolka Mandheera, Cali Roba oo kulanka ka dib la hadlay warbaahinta ayaa sheegay in uu aamisan yahay in maamulka murtadiinta ee gobolka Gedo uu kaalin wax-ku-ool ah uu ka qaadan karo ka hortagga weerarada Mujaahidiinta Al-Shabaab ee ka dhacaya Mandheera.
“Waxaan ka wada hadalnay arimo dhowr ah oo ay ku jirto xasiloonida xuduudda, iyo wada shaqeynta labada maamulka” ayuu yiri.
Cali Roba ayaa aaminsan in xad-beenaadka u dhexeeya labada gobol uu hadda noqday mid u nugul weerarada Mujaahidiinta, isagoo tusaale u soo qaatay in ay sii xoogeystaan weerarada ay Mujaahidiintu ka fulinayaan deegaanada gobolka Mandheera.
Kulamo noocan oo kale ah ayaa dhowr jeer horey u dhexmaray Maamulka Gaalada ee Mandheera iyo Murtadiinta ku sugan qaybo kamid ah Gedo, kuiwaas oo mar walba ku fashilmay hirgelinta go’aanada ay isla gaaraan ee quseeya kahortaga Hawlgallada Mujaahidiinta.
Ciidamada Mujaahidiinta ee ka howlgala gobolka NFD ee ku hoosjira gumeysiga saliibiyiinta Kenya ayaa kordhiyey weerarada ay ka fulinayaan halkaas ee lagu beegsanayo ciidamada kuffaarta Kenya.
Horaantii Bishan, Ciidamo aad u hubeysan oo ka tirsan Xarakada Mujaahidiinta Al-Shabaab ayaa askar fara badan oo ka tirsan gaalada Kenya ku xasuuqay weeraro ka dhacay gobolka NDF ka dib markii ay cagta mariyeen laba saldhig oo ku yaalla deegaanka Lafeey oo ka mid ah deegaanada hoosyimaada magaalada Mandheera.
