Maamulka Aala-Sucuud ee uu maamulaha dhabta ah ka yahay Muxamed bin Salmaan ayaa sii wada tallaabooyinkiisa qar iska xoornimada ah ee lagu doonayo in lagu bedelo madaahirta guud ee dhulka Xarameynka.
Labo isbuuc kadib waxaa dhulka Xarameynka ka furmi doona shaneemadii ugu horeysay oo soo bandhigta Aflaam akhlaaq dara ah, waxaana shaneemadaas furi doonta shirkad laga leeyahay dalka Maraykanka.
Wasiirka warfaafinta maamulka Aala-Sucuud oo la hadlay wakaaladda wararka ee maamulkaas ayaa sheegay iney siiyeen ogolaansho dhameystiran shirkadda IMC oo ay ku furi karan shaneemada.
Sida uu wasiirku sheegay waxaa shaneemooyinkan si gaar ah uga faa’ideysan doona dhalinyarada Xarameynka, isagoona intaa ku daray in shanta sano ee soo socota 41 shaneemo laga furi doono 25 magaalo oo katirsan dhulka Xarameynka.
Muxamed bin Salmaan oo ku sugan dalka Maraykanka ayaa shirar kala duwan la yeelanaya shirkado ku yaala wadankaasi Maraykanka, kuwaas oo howshoodu tahay arimaha shaneemooyinka, waxaana Los Angles ka furmi doona kulan looga hadlayo mustaqbalka shaneemooyinka laga furayo dhulka Xarameynka ee xurmadiisa ay ku tumanayaan maamulka Aala-Sucuud.
