Guutada Madaafiicda ee Xarakada Mujaahidiinta Al Shabaab ayaa markale weerar xooggan ku qaaday mid kamida saldhigyada ciidamada Xabashida Itoobiya ay ku leeyihiin gobolka Hiiraan ee dhaca bartamaha dalka Soomaaliya.
Wararka ka imaanaya deegaanka Halgan ayaa sheegaya in weerar madaafiic ah lagu qaaday saldhigga ciidamada Xabashida Itoobiya ay halkaas ku leeyihiin, ilo wareedyo ayaa sheegaya in ugu yaraan 7 madfac lagu weeraray Itoobiyaanka.
Dadka deegaanka ayaa sheegay in ay maqlayeen jugta madaafiicda oo ku hoobanaysa saldhigga ciidamada Itoobiya balse lama oga khasaaraha dhimasho iyo dhaawac ee weerarkaas ka dhashay.
Ma ahan markii ugu horraysay ee xoogaga Al Shabaab ay weeraraan saldhigyada ciidamada Itoobiya ee deegaanka Halgan oo kamid ah meelaha ay Xabashidu uga suganyihiin gobolka Hiiraan.
Duqeyntan ayaa kusoo aadeysa xilli sidoo kale ciidamada Mujaahidiinta weeraro kala duwan ay ka fuliyeen duleedyada Magaalooyinka Marka, Afgooye iyo Kismaayo oo ka kala tirsan Wilaayada Shabeelada hoose iyo Jubbooyinka, Iyadoona howlgaladan khasaara kala duwan lagu gaarsiiyay maleeshiyaatka kooxda Ridada iyo kuwa maamulka Ashahaado la dirirka Murtad Axmed Madoobe.
Calamada.com
