Madaxii hore ee kooxda Ridada ayaa Xasan gurguurte ku eedeeyay in uu boob ku hayo hantida shacabka Muqdisho isagoo qarow siyaasadeed ku tilmaamay qabashada doorashooyin qof iyo cod ah
Xiisada colaadeed ayaa weli ka taagan xaafado katirsan magaalada Muqdisho oo shalay ay ka dhaceen iska hor’imaadyo dhiig ku daatay gaadiidna looga gubay maleeshiyaadka kooxda ridada soomaaliya.
Afhayeen u hadlay booliska kooxda ridada ayaa qiray in dhowr askari looga dilay dagaalkii shalay ka dhacay xaafadaha Macallin Nuur iyo Ex.control Afgooye isagoo ciidamada melleteriga ku eedeeyay in ay dagaalka ku lug lahaayeen.
Dhinaca kale Shariif sheekh Axmed oo horay usoo hoggaamiyay kooxda ridada ayaa weerar kulul oo dhanka afka ah ku qaaday Xasan Gurguurte oo uu ku eedeeyay in uu boob aan kala joogsi laheyn ku hayo dhulalka shacabka iyo hantida guud ee dadka ka wada dhaxaysa.
Shariif Murtad oo shir jaraa’id uqabtay warbaahinta ayaa sheegay in dhammaan dhulalkii uu Xasan Gurguurte boobay laga iibiyay ganacsato iyo dad hanti leh wuxuuna wax lalayaabo ku tilmaamay burcadnimada ay madaxda kooxda ridada sameynayaan iyagoo ka been sheegaya ficilladooda.
Sidoo kale siyaasiyiinta mucaaradka ah ayaa wax aan socan doonin ku timaamay warkii dhowaan kasoo yeeray xasan gurguurte oo ahaa in uu doorashooyin qof iyo cod ah ka abaabulayo soomaaliya.
waxay sheegeen in Gurguurte uu dhax muquuranayo qarow siyaasadeed islamarkaana uu ammaanka Muqdisho halis ku jiro iskaba daay in soomaaliya oo idil lagu qabto doorashooyin gaaleedyo.
madaxii hore ee kooxda ridada ayaa carrabaabay in qaar badan oo kamid ah degmooyinka gobolka Banaadir lagu gedaamay dhagxaan islamarkaana laxiray waddooyin iyo xaafado muhiim ah sababa amni xumo aawgeed.
