Ra’yi ururin cusub oo laga sameeyey magaalooyinka iyo gobollada Mareykanka oo lagu qiimeynayay doorshada soo socota ee waddankaasi ayaa markale soo saartay natiijo quus galinaysa maamulka hadda talada haya.
Taageerada madaxweynaha hadda haya talada dalkaasi Joe Biden waxay maraysaa heerkeedii ugu hooseysay, Donold Trump ayaana codeyn ahaan hadda ka sarreeya Biden, waxaana ra’yi uruurintan cusub sameeyay wargayska Wall Street Journal ee fadhigiisu yahay magaalada New York ee carriga Maraykanka.
Joe Biden ayaa cadaadiskan kaga imaanaya dadkiisa la kulmay wixii ka dambeeyay markii uu farageliyay dagaalka u dhaxeeya Falastiiniyiinta iyo Yahuudda, taageero millatari iyo mid dhaqaale oo xooggan ku harqiyay maamulka gumeystaha, si uu u gumaado haweenka iyo caruurta Gaza.
Ra’yi uruurin horay loo sameeyay ayaa lagu ogaaday in badi dadka Ameerikaanka ah aysan dowladdooda ku taageersanayn gumaadka ay ka wado marinka Gaza iyo taageerada indha la’aanta ah ee ay siinayso kayaanka Sahyuuniga.
