Maalmo kadib markii madaxa kooxda Ridada Soomaaliya uu dowladda Xabashida Itoobiya usaxiixaay qaadashada qeyb kamid ah badda Soomaaliya ayay dowladda Turkiga ku dhawaaqday in ay ka shaqeynayso dhaqan gelinta heshiiskaasi.
Rajeb Dayib Erdogaan ayaa shaaciyay in bilaha soo socda uu booqashooyin cagta kusoo marin doono magaalooyinka Muqdisho iyo Addis Ababa si uu gomodaha ugu adkeeyo heshiis ku sheeggii xaaraanta ahaa ee Itoobiya lagusiiyay badda Soomaaliya.
Isagoo hadal ka jeedinayay munaasabad ka dhacday magaalada Erda-ruum ee dalka Turkiga ayuu Erdogaan sheegay in horraanta sanadda 2025-ka uu booqan doono Soomaaliya iyo Itoobiya isagoo ujeedka socdaalkiisa ku sheegay mid daba socda heshiiskii isbuucii lasoo dhaafay ka dhacay magaalada Ankara ee caasimadda Turkiga.
“Haddii rabbi idmo waxaan booqan doonaa dalalka Itoobiya iyo Soomaaliya bilaha ugu horreeya ee sanadka soo socda waxaana dunida la wadaagi doonaa tallaabadaan aan qaaday”ayuu yiri madaxweynaha dowladda Ridada Turkiga.
Erdogaan ayaa intaas ku daraya in wadahadal socday muddo 7 saacadood ah ay ku suurtagashay in Xasan Sheekh uu Abiy Axmed usaxiixo gaaridda badda Cas.
Sida ku cad heshiiskii Ankara lagu saxiixay 11-kii bishan dowladda Xabashida itoobiya ayaa qaadanaysa qeyb kamid ah badda Soomaaliya iyadoona ciidamadeedu ay kasii mid ahaanayaan isbahaysiga afrikaanta ee duullaanka ku jooga Soomaaliya.
Dowladda riddada turkiga ayaa doonaysa in boobka ay ku hayso kheyraadka soomaaliya sii wadato iyadoo ammaankeeda ay sugayaan ciidamada xabashida Itoobiya, tallaabooyinka ay qaadayso ayaana ah mid ay ku doonayso in Itoobiya ay kula saaxiibto kheyraadka soomaaliyeed ee dhac ceegaaga badda iyo barriga dalka.
