Dagaaladan ayaa xoogooda waxay dhacayeen saddexdii maalin ee lasoo dhaafay ka dhacayeen magaaladan o in muda ah go’doon ku hoos jirta, dagaalo toos ahna ay ka soconayaan labadii bile e lasoo dhaafay.
Dagaalada ayaa ka dhacay intooda badan xaafada Shixxa oo dhacda dhanka bari ee magaalada Darna, taas oo marar badan ay isku dayeen Maleeshiyada xaftar inay gudaha usoo galaan balse ay iska caabin xooggan kala kulmeen xoogaga difaaca darn.
Maalinki talaadada Dagaal xoogan oo ka dhacay xaafadaasi ayaa looga dilay Maleeshiyada khaliifa xaftar askar ay tiradooda gaareyso ilaa 19, halka looga dhaawacay tiro kale, sidoo kalena waxaa looga gubay mid kamid ah gaadiidkii gaashamanaa ee ay kusoo dagaal galeen.
Sidoo kale subaxnimadi arbacada ayay markale dagaaladu dib kaga qarxeen isla xaafadan waxaana laga gubay maleeshiyadii weerarka ahaa gaari dagaal oo ahaa nooca loo yaqaan cabdi bilaha, kadib markii lala helay qoriga Baasuukaha, waxaana lasoo sheegay in askartii saarneyd dhimasho iyo dhaawac ay ku noqdeen.
Warbaahinta maxaliga ah ee dalka liibiya ayaa sheegaysa in Maalinki Shalay ahaa gaari lagasoo buuxiyey walxaha qarxa lala begsaday goob isku imaatin ah oo ay lahaayeen Maleeshiyada khaliifa xaftar, halkaasna lagu dilay askar badan oo aan tiradoda rasmiga ah lasoo sheegin.
Raga firfircoon ee soo tabiyo wararka magaalada darnah ayaa sheegaya in Ilaa manta oo khamiis ah dagaaladu qaar goos-goos ah u soconayaan. xoogaga difaaca darnah ayaana sheeganaya inay ku dhawaad 10 katirsan Maleeshiyada Xaftar kudileen Toogasho loo adeegsaday qoryaha meelaha fog wax looga toogto.
Khaliifa Xaftar oo ah hogaamiyaha maleeshyaatka Ashahaado la dirirka ah ee ku sugan wadanka Liibiya ayaa ah nin ka tirsan sirdoonka wadanka Maraykanka ee CIA loo yaqaano, waxaa uu dadaal xooggan ugu jiraa sidii uu u qabsan lahaa Magaadala xeebta ku taalla ee Darna isagoo taageero dhanka cirka iyo dhulka ah ka helaya wadamada Imaaraatka iyo Masar
