Wararka ka imaanaya wilaayada Jubbada hoose, waxay sheegayaan in maantay xadbeenaadka u dhaxeeya wilaayada iyo Kenya ay ka dhaceen dagaalo culus oo lagu jabiyay maleeshiyo murtadiin ah oo hoostaga maamul goboleedka ashahaada la dirirka ah ee Jubbalan la baxay.
Waxay mujaahidiintu weerar ku beegsadeen xero lagu magacaabo Meeri oo kutaal duleedka deegaanka Kaambooni, waxaa Allaah fadligiis ciidamada mujaahidiinta u suuragashay inay dagaal kula wareegaan gacan ku haynta xerada, halkaas oo lagu dilay shan askari oo murtadiin ah, halka lagu dhaawacay 10 kale, 4 qori oo Ak47 iyo RPG ahna waa ghaniimo.
Dhanka Mudug, waxay ciidamada mujaahidiintu Allaah fadligiis maanta dagaallo xooggan oo ka dhacay deegaanka Qaycad si wayn ugu jabiyeen maleeshiyaad ashahaada la dirir ah oo deegaanka ka waday dhaqdhaqaaqyo ka dhan ah shareecada islaamka.
Dagaallada ayaa yimid kaddib markii maleeshiyaadka Riddadu saaka soo qaadeen duullaan ka dhan ah shareecada, waxaana mujaahidiinta u suuragashay in 2 jeer ay jabiyaan maleeshiyadii Riddada ee weerarka soo qaaday, waxaana inta la xaqiijiyey dagaalladaasi ku dhaawacmay ilaa 17 askari oo murtadiin ah, iyadoo ay degan tahay xaaladda goobihii dagaalada ay ka dhaceen oo ay gacanta ku hayaan ciidanka mujaahidiinta.
