Xiisado dagaal ayaa laga soo sheegayaa degmada Ceerigaabo ee xarunta gobolka Sanaag ee waqooyi bari Soomaaliya, halkaas oo ay dil ka gaysteen maleeshiyo ka tirsan maamulka ashahaada la dirirka ah ee Somaliland.
Xiisadda dagaal ayaa timid, markii ciidamo ka tirsan kuwa booliska maamulka uu madaxa u yahay Muuse Biixi ay gudaha magaalada Ceerigaabo si bareer ah ugu toogteen wiil dhalinyaro ah.
Ilo wareedyo magaalada ku sugan ayaa warbaahinta u xaqiijiyay in marka hore uu dhaawac culus soo gaaray wiilka ay toogteen maleeshiyaadka maamulka fadhigiisu yahay Hargaysa, kaas oo keenay in dhaawiciisa loola cararay cisbitaalka guud ee magaalada, halkaas na uu dhiig bax ugu dhintay.
Qofka shacabka ah ee ay dileen maleeshiyaadka maamulka ashahaada la dirirka ah ee Somaliland, ayaa magaciisa lagu sheegay Salmaan Aadan Cabdi, ilo wareedyadu waxay intaas ku dareen in maleeshiyaadka Riddada ay xabsiga u taxaabeen wadihii gaariga qofka shacabka ah lagu kaxeeyay.
Dhacdadan ayaa sidoo kale waxaa ku dhaawacmay laba askari oo ka tirsan booliska maamulka murtad Muuse Biixi, shacabka ku dhaqan magaaladan ayaa ka gadooday tallaabada ay qofka rayidka ah ku dileen maleeshiyada booliska, taasi oo keentay in maanta xiisad colaadeed laga dareemo magaalada, rassaas goos goos ahna laga maqlo suuqa hoose ee magaaladaasi.
