Tafaasiil dheeraad ah ayaa laga helayaa toogashooyin is barbar socday oo askar ka tirsan maleeshiyaadka Riddada ay saacadihii ina dhaafay ka gaysteen gudaha magaalada Muqdisho ee caasimadda Somalia.
Toogashada koowaad oo ka dhacday isgoyska Baar-ubax degmada Howl-wadaag ee Magaalada Muqdisho waxay maleeshiyaadka murtadiinta gaar ahaan kuwii dhowaan laga keenay waddanka Eritrea, ku dileen wiil arday ah oo la sheegay in xilligaas uu kasoo baxay jaamicad kutaal caasimadda.
Maleeshiyaadka dilka gaystay ayaa la wariyay inay rassaas huwiyeen mooto bajaaj uu la socday wiilka dhalinyarada ee ay toogashada ku dileen, Goobjoogeyaal ku sugnaa goobta ayaana sheegay in maleeshiyaadkan oo aan lahayn wax xerya ah loo soo carbiyay oo kaliya gummaadka bulshada magaalada Muqdisho.
Toogashada labaad oo laga soo calaamadiyay degmada Xamarweyne waxaa gaystay askari ka tirsan murtadiinta gaar ahaan kuwii lagu soo tabobaray Eritrea.
Sida xogta lagu helayo askarigan ayaa rassaas xoogan ku furay gaari uu watay nin magaciisa lagu soo koobay Yuusuf, kaas oo ka mid ahaa wadeyaasha gaadiidka ee ka howlgala magaalada caasimadda, Waxaana toogashaasi ay sababtay dhaawac halis ah oo soo gaaray wadaha la beegsaday.
Dhaawaca qofkan shacabka ee ay toogteen maleeshiyaadka Riddada ayaa la dhigay mid ka mid ah cisbitaallada magaalada Muqdisho, Toogashooyinkan is barbar socday ee ka dhacay magaalada Muqdisho ayaana qayb ka ah dilalka aan loo meel dayin ee ay murtadiinta ka gaystaan magaalada caasimadda ah ee Muqdisho.
