Wararka ka imaanaya gobolka shabeellaha dhexe ayaa sheegaya in weerar hubaysan lagu qaaday maleeshiyaad ka tirsanaa kooxda Riddada Soomaaliya ee ku sugan bariga gobolkaasi.
Ugu yaraan lix ka tirsan askarta murtadiinta ayaa lagu dilay duleedka deegaanka Ceelbaraf sida ay sheegaan warar lagu kalsoonyahay, weerarka oo dhacay saacadihii lasoo dhaafay ayaa yimid kaddib markii ay maleeshiyaad deegaanka ah oo is abaabulay ay weerar jidgal ah u dhigeen maleeshiyaadka xilli ay kusii jeedeen degmada Jalalaqsi ee gobolka Hiiraan.
Wararka ayaa intaas ku daraya in kooxaha weerarka geysatay ay askarta ka furteen lixdii qori ee ay siteen, maleeshiyaadka murtadiinta ee lagu dilay duleedka Ceelbaraf ayaa la soo sheegay in ay fasax ahaayeen oo ka yimaadeen dhanka saldhigga murtadiinta ee deegaanka Xawaadleey.
Wararkii ugu dambeeyay ayaa sheegaya in xiisadaha u dhaxeeya murtadiinta iyo maleeshiyaadka dilka geystay ay ka taagan tahay waddada xiriirisa Jalalaqsi iyo Ceelbaraf.
