Dowladda Mareykanka ayaa markale soo saartay digniin dhanka amniga ah oo ku wajahan muwaadiniinta Americanka ah ee ku sugan gudaha wadanka Kenya ee dhaca bariga qaaradda Afrika.
War qoraal ah oo kasoo baxay safaaradda Mareykanka ee magaalada Nairobi ayaa lagu sheegay in xog dhanka amniga ah oo ay heleen ay sheegayso in xoogaga jihaadiga ah ee Al Shabaab ay qorsheynayaan weeraro ay ka geystaan gudaha wadanka Kenya.
Digniinta kasoo baxday Mareykanka ayaa lagu sheegay in suurtagal ay tahay in labeegsado dadka reergalbeedka ee ku sugan magaalooyinka Nairobi, Nifaasha iyo Nanyooki waxaana muwaadiniinta Americanka ah lagu amray in aysan wax dhaq dhaqaaq ah sameyn.
Meelaha ay suurtagalka tahay in weerarada lagu beegsado waxaa kamid ah Kaniisadaha,suuqyada,Hotellada iyo goobaha bulshadu ku kulanto.
Digniintan ayaa si guud ugu socota wadanka Kenya oo xaaladdiisa ammaan faraha kasii baxaysay sanadadii lasoo dhaafay tan iyo markii melleteriga Kenya ay ku lug lahaadeen duullaanka ay ciidamada shisheeye ku qaadeen Soomaaliya.
Bishii Janaayo ee lasoo dhaafay ayay Xarakada Al Shabaab weerar khasaara badan dhaliyay ka fulisay dhismayaal kuyaal xaafadda Westland ee magaalada Nairobi
