Magaalada Minneapolis ee xarunta u ah gobolka Minnesota ee dalka Maraykanka waxaa saacadihii lasoo dhaafay dab lagu qabadsiiyey masjid weyn oo ay ku tukan jireen muslimiinta ku dhaqan gudaha Minneapolis ee carriga Mareykanka.
Sida ay soo tabiyeen warbaahinnada ka howlgala magaaladaasi, waxaa inta badan masjidkan ku tukan jiray dad u badan Soomaali, waxayna sheegeen in in markii la gubay masjidka kadib ay kooxahaasi falalka ka dhanka ah islaamka iyo muslimiinta dhismaha masjidkaasi u geesteen burbur aad u baaxad weyn.
Mid ka mid ah Soomaalida ku nool Minneapolis ayaa sheegay inuu masjidkaan ku tukanjiray muddo gaareysa illaa 5 sano, haddana ay dheceen wax ay si aad ah uga wada xumaadeen jaaliyada muslimka ah ee ku dhaqan gobolkan.
“Tani waxay si xooggan inoo dareensiineysaa iney soo xoogeysteen muddooyinkan dambe qolooyinka islamophobia-yada ah” ayuu yiri Xasan oo ka mid ah jamaacada ku xiran masjidka la gubay.
Dhacdadan ayaa kusoo aadeysa iyadoo masjidkan sannadkan gudihiisa ay gubeen kooxaha islaam nacaybka uu maankooda buuxdhaafiyay, waana dhacdadii labaad oo xiriir ah, waxayna kooxahaasi horay masjidkan ugu gaysteen burburin iyo dhac ay u gaysteen qalabkii yiillay.
