Masuul hore oo ka tirsan dowladda xabashida Itoobiya, haddana ka mid ah xubnaha dowladda la shaqeeya ayaa bixiyay macluumaad u uku sheegayo in Itoobiya waddo qorshe ay Soomaaliya uga dhisanayso dhisme dheer oo amaankeeda gudaha ay ku ilaahato.
Brock Haileu oo ah safiir hore oo Itoobiyaan ah ayaa sheegay in dowladda Itoobiya dhulka Soomaaliya ay ka samaynayso qiyaastii 100-150 km oo ah khad cagaaran oo ay ka ilaashato ammaankeeda gudaha.
Wuxuu si gaar ah u xusay in dhulkaasi uu ka mid yahay gobolka Gedo iyo qaybo ka mida dhulka uu ka arrimiyo maamulka ashahaada la dirirka ah ee Koonfur-galbeed, sidoo kale waxa uu soo hadal qaaday in dhulka Itoobiya jaran doonto uu qayb ka mid ah kuyaal gobolka Hiiraan.
Arintan ayaa qayb ka yahay xiisadda Itoobiya iyo Masar, wuxuu safiirkan hore ee ka tirsan dowladda Itoobiya sheegay in haddii ka adkaadaan waa sida uu sheegayo e Masaarida iyo kooxda Riddada, ay ciidamada Itoobiya isku dari doonaan gobolka Gedo iyo maamulka Koonfur galbeed.
Wuxuu sidoo kale tilmaamay in dowladdiisu tabobartay kumannaan ciidamo ah oo ka tirsan maamulka Mustafe Cagjar, kuwaas oo uu sheegay inay gacan ka gaysan doonaan qorshaha dhul ballaarsiga ah ee Xabashidu ku foogan tahay.
