Maxkamada Shareecada Islaamka Ee Imaarada Islaamiga Afghanistan Ayaa Fulisay Xad Ka Mid Ah Xuuda Allaah Kaasi Oo Ka Dhacay Fagaara Ku Yaala Galbeedka Dalka Afghanistan.
Xukunkan ay fulisay Maxkamadda Imaaradda Islaamiga Afghanistan ayaa ah Xad dil Qisaas ah ayaa ka dhacay fagaara weyn oo ku yaala magaalada Farah Rud oo ka tirsan Wilaayada Farah ee dhacda Galbeedka dalka Afghanistan.
Xukunkan dilka Qisaasta ah waxey Maxkamadda Shareecada Islaamiga ee Imaarada Islaamiga Afghanistan ku fulisay nin lagu magacaabo Muxamed Qaasim kaasi oo horay u dilay nin lagu magacaabi jiray Qaari Shaah Maxamuud.
Ehelada Ruuxii uu ninkan horay u dilay ayaa maxkamadda Ka codsaday in loo Qisaaso waxaana goobta Xadka uu ka dhacay dadweynyihii isugu soo baxay qeyb ka ahaa Ehelada ninka wax ka dilay iyo sidoo kale ehelada ruuxii uu horay u dilay.
Xadkan Qisaasta ah ayaa Imaanaya xilli dhowr jeer Imaarada Islaamiga Afghanistan sidaan oo kale ay u fulisay dhowr Xad oo ka mid ah Xuduuda Allaah kuwaasi oo ka wada dhacay fagaarayaal kala duwan oo ku yaala Wilaayaatka dalkaasi.
Calamada.com.
