Josphat Korir iyo askar kale oo ka tirasnaa ciidanka dowladda saliibiyadda ah ee Kenaya ee loo yaqaano KDF ayaa laga dajiyay magaalada Nairobi ee caasimadda Kenya , kuwaas oo lagu dilay weerar ka dhacay koonfurta Soomaaliya toddobaadkii hore.
Qoyska askarigani la dilay ayaa warbaahinta Kenya u sheegay in uu ku dhintay dagaal dhaxmaray ciidamada Kenya iyo ciidamada Xarakada Mujaahidiinta Al-shabaab axaddii lasoo dhaafay ee ku beegnayd 20-ka November.
Maydka askarigani iyo askar kale oo dhimasho iyo dhaawac ku noqotay weerarka Mujaahidiinta ayaa la geeyay maagaalada Nairobi ee caasimadda dalkaasi.
Qoyska Josphat Korir ayaa qaylo dhaan ka muujiyay dilka wiilkooda iyo kumannaan askari ee dowlada Kenya jooga Soomaaliya kuwaas oo baylah u ah hawlgallada Mujaahidiinta ee dhacaya har iyo habeen.
Boqolaal askari ayaa dowladda Kenya looga dilay dagaalka ay xukumadda Nairobi kaga jirto Soomaaliya, Xarakada Mujaahidiinta Al-shabaab ayaana dhawr jeer cagta marisay saldhigyada ciidamada Kenya ay ku leeyihiin koonfurta dalka gar ahaan wilaayadka Jubooyinka iyo Gedo.
