Dagaallada ka socda waqooyiga dalka Itoobiya waxay sababeen in uu waddanka lugaha la galo xaalad jiha wareer iyo fowdo ah taas oo ka dambeysay ka dib go’aankii uu dagaalka ku iclaamiyay gobolka Tigray ra’iisul wasaaraha dalka Itoobiya ninka lagu magacaabo Abiy Axmed.
Golaha wasiiradda xukuumadda Abiy ayaa bilaabay inay kala daataan ka dib markii mid ka mid ah xubnaha golaha wasiiradda ee xukuumaddaas ay ku dhawaaqday inay iska casishay xilkii ay ka haysay xukuumadda.
Haweeynayda lagu magacaabo Filsan Cabdillaahi Axmed oo ka mid ahayd golaha wasiiradda si gaar ahna ugu magacownayd wasaaradda haweenka xukuumadda Abiy Axmed ayaa shaacisay inay isaga tagtay xubinnimadeedii xukuumadda Abiy.
Wakaaladda wararka Ap oo soo xiganaysa wasiiradan is casishay ayaa warisay in Filsan ay si rasmi ah isaga tagtay shaqada xafiiska wasaaradeedii haweenka wallow aysan sheegin sababta ku riixday iscasilaadeeda.
Qoraal kooban oo ay soo dhigtay barteeda Twitterka ayay haweenayda ku sheegtay in ay warqadeeda iscasilaadda u gudbisay ra’iisul wasaaraha xabashida iyadoo intaa raacisay in uu si deg deg ah u dhaqan galayo istiqaaladeeda.
Arrintan waxay dibadda usoo saartay sida ay ukala daadanayaan golaha wasiiradda xukuumadda xabashida iyadoo markii horeb ay sidan oo kale u kala furfurmeen Siyaasiyiinta iyo qowmiyadaha kala dhaqanka iyo kala diinta ah ee wada dega dalka Itoobiya.
Halkan Kala Soco Wararka Deg Dega Ah Ee Website-ka Calamada.
Calamada.com
