Katiibada Cuqbah Bin Naafic oo ah farac mujaahidiinta Al-Qaacida ee ka howlgala dalka Tunis ayaa sheegtay mas’uuliyada weerar xoogan oo lagu bartilmaameedsaday ciidamada xukuumada dabadhilifka ah ee dalka Tunis kaas oo ka dhacay waqooyi-galbeed wadanka sida lagu sheegay bayaan kooban oo ay mujaahidiintu ku faafiyeen baraha internetka.
Mujaahidiinta ayaa sheegay in weerar loo adeegsaday miino dhulka lagu aasay in lagu bartilmaameedsaday ciidamo ka tirsan xukuumada Maali oo ku sugnaa Buuraha Al-Wargah ee gobalka Kaaf, Islamarkaana halkaas lagu dilay askar dhowr ah oo ka tirsan ciidamada cadowga, lagu dhaawacay tiro kale.
Gobalkan oo dhaca waqooyi-galbeed wadanka Tunis ayaa dhaca meel u dhow xad-beenaadka uu dalkaas la wadaago wadanka Al-jazaa’ir, Waxaana dhowrjeer ka dhacay weeraro abaabulan oo mujaahidiintu ay ku beegsadeen qaar ka mid ah ciidamada Xukuumada Tunis gaar ahaan ciidanka loo yaqaano ilaalada xuduudda.
Warbaahinada maxaliga ah ee dalka iyo Saraakiil u hadashay Xukuumada Tunis ayaa xaqiijiyey weerarkan balse waxay isku dayeen in ay yareen qasaaraha halkaas ka soo gaaray ciidankooda, Iyagoona sheegay in hal askari oo kaliya uu kaga dhaawacmay qaraxaas balse waxaa la aaminsan yahay in qasaaraha uu intaas ka badan yahay.
Weerarkan wuxuu yimid hal todobaad un ka dib markii weerar midkan la mid ah ay mujaahidiintu ku beegsadeen ciidamo ka tirsan xukuumada Tunis oo ku sugnaa buuraha Al-Gaambi ee gobalka Qasriin kaas oo isna qasaare kala duwan lagu gaarsiiyey cadowga.
Katiibada Cuqbah Ibnu Naafic ee ka howlgasha dalka Tunis ayaa labadii sano ee ugu dambeeyey kordhisay weerarada ka dhanka ah maleeshiyaatka Xukuumada Tunis ee ka howlgala xad-beenaadka kala qeybiya Tunis iyo Al-Jazaa’ir, Waxayna dhowrjeer soo bandhigtay muuqaalada weeraro dhabagal ah iyo qaraxyo lagu ugaarsanayo dhaq-dhaqaaqa cadowga ee mandiqadaasi.
Weerarkii ugu qasaaraha badnaa waxay fulisay Bishii August ee sanadkii la soo dhaafay xilligaas oo ay weerar lagu hoobtay oo dhabagal ah u dhigeen kolonyo ka tirsan ciidanka Xukuumada Tunis oo ku socdaalayey Buuraha loo yaqaano Samama ee gobalka Qasriin, halkaas oo tobaneeyo ka mid ah ciidanka cadowga ay dhimasho iyo dhaawac ku noqdeen.
Xukuumada Tunis ayaa dhowrjeer ku faantay in ay soo afjartay quwadda Mujaahidiinta ee dalkaas, Islamarkaana ay wadanka ka sifeeyeen mujaahidiinta balse hadda waxay wajahayaan taxadi horleh oo kaga imaanaya Katiibada Cuqbah Ibnu Naafic oo ah koox sal adag ku sameysatay halkaas, sufuufteeduna ay ku badan yihiin dhalinyarada Tunisiyiin ah oo u diyarsan riditaanka nidaamka Mujrimka ah ee dalkaas iyo soo celinta ku dhaqanka Shareecada Islaamka.
