Ciidamada Mujaahidiinta Imaarada Islaamiga Afghanistan ayaa weerar xoogan ku qaaday Saldhig Maleeshiyada xukuumada daba dhilifka Kaabul ay ka sameysteen Macbar AY-Khaatim oo la isaga kala gudbo wadamada Tajikistan iyo Afghanistan.
Howl galka ayaa bilowday xalay Sideedii Saac habeenimo waxa uuna soo gaba gaboobay saaka aroortii Salaadii Subaxa ka hor, kadib markii ciidanka Imaarada ay xoog ku galeen saldhiga, askartii joogtayne ka dhigeen kuwa ay dilaan, kuwa carara iyo kuwa gacanta lagusoo dhigay.
Inta la xaqiijiyey weerarka Mujaahidinta waxaa lagu dilay/laguna dhawacay askar tiradooda ay kor u dhaafeyso Afartan Askari, waxaana gacanta lagusoo dhigay tiro kale oo askar ah.
War kasoo baxay Imaarada ayaa lagu sheegay in saldhiga ay si buuxda gacanta ugu dhigeen kanasoo qaniimeysteen gaadiid dagaal oo gaaraya 19, kuwaas oo isugu jira kuwa dagaalka ee gaashaaman sida Hamvi, Ranjer iyo kuwa ciidanka daabula, iyo hub aad u fara badan.
Waxa ay sheegeen in maleeshiyadii firxadka ahaa ay ka gudbeen xuduud beenaadka kala qeybiya wadama Afghanistan iyo Dajakistan ayna gudaha u galeen wadanka Daajakistaan.
Mandiqadda la weeraray ee uu ku yaalo Macbarka Ay-Khaatim waxa ay ka tirsan tahay degmada Dasht Qalcah, oo hoos tagta Wilaayada Takhar oo dhacda Woqooyiga wadanka Afghanistan, waxa ayna xuduud laleedahay degmadan Wadanka Daajakistaan oo daris la ah Afghanistan.
