Ciidamada xarakada Shabaabul Mujaahidiin waxay maanta dagaal ka dib si buuxda ula wareegeen gacan ku haynta deegaan lagu magacaabo Tarajante oo ah deegaan u dhow magaalada Beledweyne ee xarunta gobolka Hiiraan, halkaas oo ay ku sugnaayeen maleeshiyaadka murtadiinta ee la magac baxay Macawiisleyda.
Ilo wareedyo lagu kalsoon yahay ayaa xaqiijiyay in marka uu billowday dagaalka ka dib ay murtadiintii ku sugnayd xerada u firxadeen dhanka magaalada Beledweyne, taas oo keentay in deegaankan uu si buuxda usoo galo gacanta Mujaahidiinta.
Khasaaraha dhimasho ee la xaqiijiyay waa 2 askari halka dhaawucuna uu yahay tiro intaa ka badan, waxayna sidoo kale Mujaahidiintu howlgalkan barakaysan kusoo furteen sahay fara badan oo ay ka firxadeen maleeshiyaadka Riddada, waxaa sidoo kale howlgalkan lagu soo ghaniimeystay hub iyo saanad millatari, waxaana caawa si buuxda deegaankaasi u maamulaya Mujaahidiinta.
Dhanka kale waxay ciidamada Mujaahidiintu qarax xooggan ku weerareen xerada maleeshiyaadka Riddada Jabuuti ee Hiil gaalo ay kaga suganyihiin degmada Jalalaqsi ee isla wilaayada Hiiraan, halkaas oo maleeshiyaadka Riddada Hiil gaalo lagu gaarsiiyay khasaare oo isugu jira dhimasho iyo dhaawac.
Waxaa la xaqiijiyay in qaraxa Mujaahidiinta ka dib ay xerada kasoo degatay diyaarad khaas ah, taas oo goobta ka daabushay bakhtiyada iyo dhaawacyada ciidamada Jabuuti kasoo gaaray qaraxa Mujaahidiinta.
