Ciidamo aad u qalabaysan oo ka tirsan xarakada shabaabul Mujaahidiin ayaa si buuxda ula wareegay gacan ku haynta deegaamo hor leh oo ka tirsan koonfurta wilaayada Mudug ka dib dagaallo qaraar oo maalmihii lasoo dhaafay ciidamada Mujaahidiinta iyo maleeshiyaadka huwanta ku dhexmarayay aagga koonfureed ee wilaayada Mudug.
Ilo xog-ogaal ah oo ku sugan gobolka Mudug waxay xaqiijiyeen in ciidamadii huwanta oo dhanka sare ay ka taageerayeen diyaaradaha dowladda saliibiyadda ah ee Maraykanka iyagoo aan dhag la qabta lahayn ay isaga firxadeen deegaanno badan oo hoos taga degmada Hubyo ee wilaayada Mudug.
Deegaannada kusoo dhacay gacanta ciidamada xarakada Mujaahidiinta Al-shabaab waxaa ka mid ah deegaanka Camaara, Qeycad, Bacaadweyne, Xoosh, Dhaghaye, Sabeenno gowrac iyo deegaanno kale oo hoos taga magaalada Hubyo, halkaas oo labadii bilood ee lasoo dhaafay ay ka socdeen dagaallo qaraar oo lagu xasuuqay askar badan oo murtadiin ah.
Wararkii ugu dambeeyay waxay sheegayaan in dhammaan deegaamadaas kor ku xusan ay si buuxda ula wareegeen ciidamada Mujaahidiinta kana dul babaneyso raayada Rasuulka Allaah SCW, firxadkii maleeshiyaadka maamulka gaala raaca ah ee Galmudug iyo kuwa dowladda federaalkana waxay macluumaadku sheegayaan inay qabteen deegaanka Wisil oo ah taliskii ay kasoo duullaan tagi jireen.
Ka bixitaanka maleeshiyaadka dowladda Ridada ee deegaamadan waxay timid ka dib markii cagta la mariyay maleeshiyaadkii ku sugnaa deegaanka Camaara ee wilaayada Mudug, halkaasna ciidamadii joogay ay u qaybsameen kuwa la laayay iyo kuwa firxaday oo howdka isku shubay, weerarkaas waxaa lagu dilay ugu yaraan 35 askari oo murtadiin ah waxaana intaa dheer in howlgalkaas lagu soo furtay 18 gaari oo 5 ka mid ah uu si khaas ah u madaxwaynaha maamulka Galmudug Axmed Cabdi Kaariye Qoorqoor.
Halkan Kala Soco Wararka Deg Dega Ah Ee Website-ka Calamada.
Calamada.com
