Ciidamo ka tirsan mujaahidiinta Al-shabaab ee ka howlgala gobolka Laamu oo ka mid ah dhulalka muslimiinta ee ay xoogga ku haysato dowladda Kenya, waxay saacadihii lasoo dhaafay weerar abaabulan oo culus ku qaadeen saldhigga ciidamada saliibiyiinta Kenya ay kaga suganyihiin deegaanka Siibaagooni oo kuyaal inta u dhaxayso magaalooyinka Wiito iyo Bandhaguwaa ee gobalkaasi Laamu.
Saraakiil ka tirsan ciidanka mujaahidiinta oo la hadlay Andalus, waxay xaqiijiyeen in dagaal kaddib ay mujaahidiintu si buuxda ula wareegeen gacan ku heynta saldhigga saliibiyiinta Kenya iyo guud ahaan deegaanka la weeraray, inta la hubo waxaa dagaalkaasi saliibiyiinta looga dilay saddex askari oo kuffaar ah, halka ay ciidamada mujaahidiintu soo qaniimeysteen qori iyo Boosh.
Dhanka kale, waxay ciidamada mujaahidiintu dagaallo culus ku qaadeen saldhigyada ciidamada saliibiyiinta Uganda ay ka degganyihiin Airport-ka degmada Baraawe iyo Buur-colow oo ah deegaan hoostaga degmada Barwaawe, lama soo werin faahfaahin ku aaddan howlgalladaasi, maadaama ay dagaalladu dhaceen xilli habeen ah.
Dhanka Bakool, waxay ciidamada mujaahidiintu gudaha degmada Waajid ee gobolkaasi qarax culus kula beegsadeen murtad ashahaada la dirir ah oo lagu magacaabo Cabdi Salaad oo imika ah sarkaal iyo tabobare ciidan, horayna usoo noqday guddoomiye ku xigeenka maamulka murtadiinta ugu magacaaban degmada Waajid, waxaa la xaqiijiyay in uu si dirqi ah kaga badbaaday qaraxaasi oo la doonayay in lagu khaarajiyo.
