Guutada madaafiicda xarakada Mujaahidiinta Al-shabaab waxay weeraro hoobiyeyaal ah ku qaadeen saldhigyo maleeshiyaadka kooxda Ridada Somalia ay ka samaysteen deegaano ka tirsan wilaayaadka Jubbooyinka iyo Shabeellaha hoose.
Dhanka deegaanka Baarsanguuni waxay Mujaahidiintu duhurnimadii maanta weerar madaafiic ah ku garaaceen saldhigga maleeshiyaadka ashahaada la dirirka isku magacaabay Jubbaland ay kaga suganyihiin deegaankaasi.
Dadka deegaanku waxay sheegeen inay arkayeen Qiic iyo uuro madow oo cirka isku shareertay madaafiic dhowr ahna ay ku hoobanayeen gudaha xerada maleeshiyaadka murtadiinta.
Ilo wareedyo masuul ah ayaa iyana tilmaamaya in duqaymihii madaafiicda ee lagu garaacay saldhigga Baarka ay dhaliyeen khasaare kala duwan oo maleeshiyaadka gaaray, waxaana la arkayay qiic iyo uuro cirka isku shareertay.
Dhanka Bariire waxay Mujaahidiintu weerar duqayn ah ku garaaceen saldhigga maleeshiyaadka kooxda Ridada Farmaajo ay kaga suganyihiin deegaankaasi Bariire.
Wararku waxay sheegayaan in dhowr madfac oo hoobiyeyaal ah ay gudaha u galeen saldhigga ay murtadiintu ka deganyihiin deegaanka Bariire, waxaana ka dhashay khasaare kala duwan.
Ugu yaraan 8 askari oo murtadiin ah ayaa la xaqiijiyay inay ku dhaawacmeen weerarkii madaafiicda lagu garaacay saldhigga maleeshiyaadka ee deegaanka Bariire, waxaana sidoo kale ay madaafiicdu burbur u gaysteen qaybo ka mid ah xerada.
Calamad.com
