Xog faahfaahsan ayaa kasoo baxaysa weerar kamiin ah oo saacadihii lasoo dhaafay ciidamo ka tirsan mujaahidiinta Al-shabaab ay ka fuliyeen duleedka degaanka Ilile ee gobalka Mandheera ee ka mid ah dhulka NFD ee ku hoos jira gumeysiga saliibiyiinta Kenya.
Saraakiil ka tirsan ciidamada mujaahidiinta ayaa xaqiijiyay in weerarkaasi dhabbo-galka ah lagu gubay gaari Kooyal ah, waxaana weerarkaasi lagu dilay ugu yaraan 3 ka mid ah saraakiisha ciidamada dowladda Kenya, halka ay sidoo kale ku dhaawacmeen 8 askari oo kale.
Ciidamada mujaahidiintu waxay sidoo kale xalay weerar xooggan ku qaadeen degaanka Ogaraale oo dhaca duleedka degmada Tarbaja ee ka tirsan gobalka Wajeer ee dhulka NFD, ciidanka mujaahidiinta ayaa si buuxda ula wareegay gacan ku haynta degaanka, waxayna halkaas ku dilay 1 askari ka mid ah maleeshiyaadka loogu yeero Home-Gaurd ee ay tabobaratay dowladda Kenya, waxay sidoo kale Mujaahidiintu si buuxda bur buriyeen sharikaddii Safaricom ee ku tiillay deegaanka lala wareegay.
Kenya ayaa xaqiijisay in saraakiil ciidan ay ku waysay weerarkan, booliska ayaa sheegay in sarkaal ciidan oo ka tirsan ciidanka gaarka ah ee dowladda looga dilay weerar culus oo shalay ka dhacay Mandheera, halka saraakiil kalena ay dhaawacyo halis ah noqdeen.
