Kooxaha wax iska caabinta Falastiiniyiinta ayaa maanta shaaciyay in dufcooyin sawaariikh ah ay ku garaaceen magaalada Tal’abiib oo ah xarunta ugu wayn deegaannada ay xoogga ku haystaan Yahuudda, xilli dhanka kale ay sii socdaan howlgallada iska caabinta ah ee ka socda marinka Gaza.
Muqaawamadu waxay sheegeen in weerarkaasi gantaallada ah ay ku beegsadeen halka loo yaqaan Greater Tal’abiib, waxayna tilmaameen in weerarkaas uu jawaab celin u ahaa xasuuqa bahalnimo ee ciidamada gumaystuhu ka geysanayaan marinka Gaza.
Dhanka kale, ciidanka Yahuuda ayaa sheegay inay ka hortageen labaatan gantaal, wallow ilo wareedyo kale oo sahyuuniyiinta laga soo xigtay ay sheegayeen in ugu yaraan 35 gantaal lagu soo riday magaalada caasimadda u ah Yahuudda.
Dhawaqa qalabka digniinta biya ayaa si wayn looga maqlayay Tal’abiib, dadka sahyuuniyiinta ah ee ku sugan magaaladaas ayaana ku cararay godadka dhulka hoostiisa ka qodan, burburka gantaallada ayaana lasoo wariyay inay ku dhaceen Tal’abiib iyo goobo ku dhow oo ay ka mid yihiin Petah Tikva, Herzliya iyo Ashdod oo dhacda koonfurta.
