Kooxaha wax iska caabinta reer Falastiin ee halganka adag kula jira ciidanka gumeystaha Yahuudda ee gudaha u galay marinka Gaza, ayaa shaaciyay maanta inay fuliyeen howlgal si heer sare ah loo qorsheeyay oo lagu jebiyay xaydaabka kala qaybiya ciidanka gumeystaha ee duullaanka kusoo galay marinka.
Kooxaha wax iska caabintu, waxay sidoo kale ka warbixiyeen howlgal kale oo ka dhacay koonfurta marinka Gaza, gaar ahaan magaalada Rafax, halkaas oo shan askari looga dilay ciidanka sahaayinada.
“Howlgal Inzaal ah ayaa ka dhacay dhabarka dambe ee khadadka cadowga, waxaana ciidankeena u suuragashay inay gudaha u galaan darbiga ugu dheeraa, waxayna weerar ku qaadeen xaruunta taliska laga maamulo qaybta cadawga ee ka hawlgala magaalada Rafax ee koonfurta marinka Qaza”. waxaa sidaas lagu yiri war kooban oo kasoo baxay kooxaha wax iska caabinta.
Howlgalka gaarka ah ee Inzaalka, ayaa yimid kaddib markii ciidamada maamulka gumeysiga Yahuudda ay qirteen subaxnimadii hore ee maanta in ugu yaraan hal askari looga dilay tiro kale looga dhaawacay howlgal kooxaha wax iska caabintu ka fuliyeen Rafax, wuxuu dhanka kale kusoo beegmay xilli ciidamada maamulka Yahuudda ay ku jabeen dagaalka Gaza, qaateenna xabad joojin iyo maxaabiis is dhaafsi.
