Dadka shacabka ee ku dhaqan magaalada caasimadda ah ee Muqdisho iyo duleedkeeda ayaa wajahaya dilal iyo tacaddi joogta ah oo ay kala kulmayaan maleeshiyaadka kooxda Riddada Somalia ay kusoo daadisay wadooyinka iyo xaafadaha Muqdisho.
Wararka ka imaanaya deegaanka Ceelasha biyaha ee duleedka Muqdisho ayaa sheegaya in maanta maleeshiyaad ka tirsan murtadiinta ay si bareer ah u toogteen wiil dhalinyaro ah oo ku sugnaa goob maqaaxi ah oo kutaal deegaanka, halkaas oo uu dhaawac kasoo gaaray wiilkaasi shacabka ah.
Ilo wareedyadu waxay intaas ku darayaan in ehelada iyo asxaabta wiilka la toogtay, ay dhaawiciisa u qaadeen dhanka magaalada caasimadda ah ee Muqdisho, si xaaladdiisa ay ula tacaalaaan xarumaha caafimaad ee kuyaal caasimadda, balse iyagoo maraya isgoyska Saybiyaano ayay rassaas ku fureen maleeshiyaadka murtadiinta, waxaana murtadiinta ay halkaasi ku dhaawac tireen qofkii shacabka ahaa, waxaa sidoo kale dhaawacmay gabar la dhalatay wiilkaasi iyo 2 kale oo ka mid ahaa dadkii dhaawaca la socday.
