Wararka ka imaanaya waddanka Maraykanka ayaa sheegaya in nin cunsuri Maraykan ah uu fal bareer ah oo uu ugu hiilinayo Yahuudda ku beegsaday ilmo yar oo Falastiini ah iyo hooyadiis, xilli uu ku sugnaa gudaha waddankaasi.
Booliska xukuumadda saliibiyadda ah Washington ayaa war uu soo saaray sheegay in ninkan cunsuriga ah oo ka soo jeedo gobolka Illinois uu illaa 26 jeer mindi ku dhuftay ilmo yar oo muslim Falastiini ah, halkaas oo uu si bareer ah ugu dilay ilmaaasi, halka uu si xun u dhaawacay hooyadiis, isagoo waliba ku dhawaaqayay hadallo nacayb ah oo ka dhan ah muslimiinta iyo Falastiiniyiinta.
Boolisku waxay ninkan oo da’diisa lagu sheegay 71 sano jir ku eedeeyay in uu dambi naceyb ah ka galay cunuga yar oo lix sano oo qura jira iyo hooyadii oo 32 sano jir ah, waxayna intaasi ku dareen in hooyadaas iyo ilmaheeda loo beegsaday diintooda Islaamka oo kaliya, beegsigan ayaana salka ku haya duullaanka ay Yahuuddu ku hayso dadka muslimiinta ah ee ku dhaqan Gaza.
Hooyada oo dhaawac ah iyo ilmaheeda oo dhaawac ah ayaa laga helay guri ku yaal magaalada Plainfield, oo qiyaastii 65 KM koonfur-galbeed kaga beegan magaalada Chicago. xafiiska booliiska ayaana sheegay in wiilka uu goor dambe ku dhintay gudaha cisbitaalka kaddib markii 26 jeer lagu dhuftay mindi weyn oo ay isticmaalaan ciidanka, sida lagu ogaaday baaritaannada la sameeyay.
Shabakadda CNN oo soo xiganayso ilo xog-ogaal ah ayaa sheegtay in wiilka uu cunsuriga Ameerikaanka ah u dilay xaaladda ka taagan Falastiin lagu magacaabi jiray Wadiic Al-fayuumi hooyadiisna lagu magacaabo Xanaan Shaahin oo 32 jir ah.
