Wararka ka imaanaya degmada Afgooye ee gobalka Shabeelada hoose waxey sheegayaan in saaka gudaha degmadaasi uu ka dhacay qarax culus oo lala beegsaday maleeshiyaat ka tirsan dowlada Ridada federaalka oo gudaha usoo galayay degmadaasi.
Qaraxa ayaa noociisa lagu sheegay inuu ahaa Miino dhulka lagu aasay waxaana lala eegtay maleeshiyaadkii shalay ka cararay magaalada iyadoo qaraxa kadib dhimasho iyo dhaawac ay noqdeen askartii lugeyneysay.
Idaacada Islaamiga ah ee Andalus oo soo xiganeysa saraakiil ka tirsan Mujaahidiin Xarakada Alshabaab ayaa baahisay in ilaa 7 askari oo ka tirsan maleeshiyaatka dowlada federaalka ay dhinteen kuwo kalena ay ku dhaawacmeen qaraxa saaka ka dhacay degmada Afgooye.
Qaar ka mid ah shacabka ku dhaqan degmada Afgooye ayaa warbaahin qaar u xaqiijiyay in maleeshiyaadkii dhaawacmay lagu qaaday 2 gaari kuwaasoo dhaawacooda la geeyay goobo caafimaad.
Weerarka qaraxa kadib ayaa maleeshiyaadka waxay fureen rasaas culus iyagoo ka baqanaya in qarax kale lala eegto,xaaladda degmada ayaa saaka yara degan iyadoo maleeshiyaadka ay ka cabsi qabaan in weerar kale uu uga yimaado maleeshiyaadka murtadiinta.
