Ciidamada Mujaahidiinta ee ka howlgala wilaayada islaamiga Banaadir waxay weerar qarax ah la beegsadeen guri uu magaalada Muqdisho ka deganyahay guddoomiye laameed ka tirsan maamulka ashahaada la dirirka ah ee degmada Dayniile, qaraxan oo si gaar ah kaga dhacay xaafadda Barwaaqo waxaa la xaqiijiyay in uu dhaawac kasoo gaaray ilko Bariis oo ahaa murtadka la beegsaday.
Ilo wareedyo muhiim ah ayaa xaqiijiyay in Mujaahidiintu qaraxaasi ku burburiyeen guriga guddoomiyaha halka uu sidoo kale qaraxa burburiyay guri ku dhinac yiilay guriga la qarxiyay oo ay murtadiintu wax ku karsadaan, sida lasoo wariyay wax yar ka dib waxaa gurmad soo sameeyay maleeshiyaad murtadiin ah waxa iyana haleelay qarax kale,waxaana qaraxaasi labaad oo haleelay gaari ciidan ku dhaawacmay 3 askari oo labo ka mida ay xaaladoodu tahay mid garraab ah.
Dhanka Jubbooyinka waxay ciidanka xarakada shabaabul Mujaahidiin dagaal culus oo toos ah ku qaadeen saldhigga ciidamada kuffaarta Afrikaanta gaar ahaan kuwa Kenya ay ku leeyihiin deegaanka Kulbiyow, Lama soo sheegin inta uu leegyahay khasaaraha soo gaaray Kenyaatiga.
Dhanka wilaayada Sh/hoosena waxay Mujaahidiintu weerar ku qaadeen xerada ciidamada kuffaarta Yugaandha ay ka deganyihiin degmada Jannaale.
Gobolka NFD gaar ahaan magaalada Mandheera waxay Mujaahidiintu weerar culus ku qaadeen fariisinka ciidamada Kenya ay ka deganyihiin deegaanka Ilile ee hoos taga degmada Ceel-qaalow ee gobolka Mandheera.
