Hayad gaaleedka qaramada midoobay u qaabilsan waxa loogu yeero arimaha xuquuqul insaanka ayaa warbixin ay soo saartay si qoto dheer kaga warbixisay falalka isugu jira kufsiga iyo tacddiyada ay ku kacaan, maleeshiyaadka Kooxda Riddada Soomaaliya ee ka dhanka ah shacabka Soomaaliyeed.
Warbixinta oo soo bandhigaysay tacaddiyada ka dhanka ah shacabka ayaa sheegtay in hayadda sirdoonka kooxda Riddada iyo waxay ugu yeeraan millatariga ay masuul ka yihiin falal tira beel ah, Oo isugu jiray kufsi iyo jirdil ka dhacay magaalooyinka ay ka arrimiyaan, Ka dib baaritaanno iyo tirakoob ay sameeyeen xubno ka tirsan hayad galeedkani.
Kufsiga haweenka oo ka mid ah falalka ay diiwaan galiyen guddiga ka socday hayad gaaleedka Qaramada midoobay u qaabilsan arrimaha xuquuda aadanaha ayay kuso bandhigeen inay gaystaan maleeshiyaadka murtadiinta. Iyadoo sheegtay inay taasi usii dheertahay jirdilka ka dhanka ah haweenka ay falalka foosha xun kula kacaan.
Waxay sidoo kale guddigan hayadda sirdoonka kooxda Riddada iyo maleeshiyaadka waxa loogu yeero millatariga ku eedaysay dilalka bareerka ah ee shacabka, Iyadoo magaalada Muqdisho ay tahay halka ugu badan ee ay dilalka ka gaystaan askarta kooxda Riddada.
Arrintan ayaa kusoo beegmayso iyadoo waayadii dambe ay sii xoogaysteen dilalka, kufsiga iyo tacaddiyada kale ee ka dhanka ah shacabka Soomaaliyeed ee ay gaysanayaan maleeshiyaadka murtadiinta.
