Inta la xaqiijiyay ugu yaraan 1 qof oo ka mid ah dadka xoogsatada ah ee macdanta ka qota deegaan hoostaga Gabiley, oo ka tirsan gobollada waqooyiga Somalia, halkaas oo ay maalmihii lasoo dhaafay kusoo badanayeen shilalka kuwan la midka ah.
Qof goobjooge ah oo lagu magacaabo Maxamed Haybe ayaa warbaahinta maxalliga ah u sheegay in dhacdadani, ay si gaar ah uga dhacday deegaanka Hadhley oo hoostaga Gabiley oo dhacda waqooyiga Soomaaliya, waxaana halkaas ku dhintay hal qof oo ka mid ah dadka xoogsatada ah ee Macdanta ka qota deegaankaasi.
Qofka goobjoogaha ah ayaa warbaahinta u sheegay in ninka dhintay uu godka kusoo dumay, xilli la isku diyaarinayay suxuurta, maydkiisa ayaa la sheegay inaanan weli la helin balse ay dadka deegaanku baadi-goob ugu jiraan sidii ay usoo saari lahaayeen, waxay sheegeen inaysan helin wax gurmad ah.
Waa dhacdadii labaad oo maalmo gudahood laga soo diiwaan geliyo isla deegaankan, maalmo uun ka hor ayay ahayd markii laba qof uu kusoo dumay god Macdan ay ka qodanayeen oo kutaal isla deegaankan Hadhley.
