Wararka ka imaanaya degmada Waajid ee gobalka Bakool ayaa sheegaya in iska hor’imaadyo xooggan ay ka dhaceen duleedka deegaanka Buurdhuxulle, dagaallada ayaa yimid kadib markii ay ciidamada Xarakada Al Shabaab weerar dhabagal ah u dhigeen kolonyo ciidamo Itoobiyaan ah oo maalin ka hor kasoo gudbay xuduud beenaadka.
Qarax xooggan ayaa qabsaday saraakiil Miina Baarayaal ah qeyb ka ahaa kolanyada Xabashida Itoobiya ee kamiinka loo dhigay kadibna waxaa xigay weerar fool ka fool ah, dad ku sugan deegaanka Eldheere ayaa sheegay in ay maqlayeen jugta madaafiicda iyo rasaas xooggan oo lays dhaafsanayay.
Idaacada Islaamiga ah ee Andalus ayaa baahisay in saraakiil Miina Baarayaal Itoobiyaan ah lagu dilay qaraxa isagoona xaqiijiyay in weeraro dhabagal ah ay lakulmeen ciidamada Xabashida Itoobiya.
Ciidamada Xabashida Itoobiya ayaa duulaan ku jooga qeybo ka mid ah gobalada Baay,Bakool,Gedo iyo Hiiraan oo ah gobalo kala dhaca Konfurta iyo Bartamaha Dalka Somalia.
