Wararka ka imaanaya Xuduud beenaadka u dhaxeeya dalalka Itoobiya iyo Suudaan ayaa sheegaya in dagaal halkaasi ka dhacay lagu dilay askar iyo saraakiil fara badan oo ka tirsan dowlada Xabashida Itoobiya.
Dagaalka waxa uu sigaar ah kaga dhacay deegaanada dhaca Xadbeenaadka ee ka tirsan gobalka Amxaaradu degta’iyadoona dagaalkan uu dhexmaray Ciidamada Maamulka Tigreega ee Xuduud beenaadka ku sugan iyo ciidamo hubeysan oo ka tirsan kooxda GIMBOT7 oo ah koox mucaarad ku ah dowlada Itoobiya kaalinweyne ku dhex leh kacdoonka ka socda dalka Itoobiya.
Warbaahinta Caalamka ayaa baahiyay in dagaalkaasi loogu abood sheegtay ciidamada dowlada Xabashida Itoobiya islamarkaana dagaalka lagu dilay askar iyo saraakiil fara badan oo daacad u ahaa maamulka Tigreega Itoobiya.
Dagaalkan waxa uu imaanayaa xilli gudaha dalka Itoobiya ay ka socdaan Kacdoono xoogan oo looga soo horjeeda maamulka Tigreega’iyadoona dagaalo culus oo dhexmaray ciidamada Tigreega iyo Kooxaha Kacdoonwadayaasha lagu dilay saraakiil iyo askar fara badan oo daacad u ahaa R/wasaaraha Itoobiya.
Calamada.com
