Dagaallo culus oo lagu jabiyay maleeshiyaadka murtadiinta ayuu maanta marti geliyay deegaanka Cali Fooldheere ee dhaca duleedka degmada Mahadaay ee wilaayada Sh/dhexe, halkaas oo saraakiil iyo maleeshiyaad murtadiin ah lagu dilay.
Saraakiisha ciidamada mujaahidiintu waxay inoo xaqiijiyeen in dagaalladaasi lagu dilay 5 askari oo murtadiin ah oo ay ku jireen 2 sarkaal oo lagu kala magacaabi jiray Abshir Maxamed Gaafow oo ahaa taliyaha maleeshiyaadka isugu yeeray macawiisleyda Riddada ee degmada Mahadaay iyo Cabdi Maxamuud Cali (Tooratoore), kaasi oo ahaa sarkaal ka tirsan maleeshiyaadka Riddada, sidoo kalena ahaa agaasimaha Amniga maamulka Ruddada ugu magacaaban degmada Mahadaay, waxaa sidoo kale dagaalladaasi ku dhaawacmay 7 askari oo murtadiin ah.
Dhanka wilaayada Gedo, waxay ciidamada mujaahidiintu maanta dagaal culus ku qaadeen saldhigga ciidamada Kuffaarta Kenya ay kaga suganyihiin degmada Ceelwaaq, waxaana halkaasi ka dhacay dagaal culus oo la isku adeegsaday hubka noocyadiisa kala duwan.
