Warar dheeraad ah ayaa kabaxay weerar hubaysan oo maanta ka dhacay deegaan katirsan gobolka Sh/hoose.
Ugu yaraan 4 sarkaal oo katirsan ciidamada melleteriga dowladda ayaa lagu dilay weerar ka dhacay goob isbaara ah oo kutaal degmada Wanllaweyn ee Sh/hoose.
Ilo wareedyo ayaa xaqiijinaya in maleeshiyaad hubaysan oo isla dowladda katirsan ay weerarka geysteen iyagoona goobta ka qaatay lacago malaayiin shilin soomaali ah oo yiillay goobta isbaarada ah ee weerarku ka dhacay.
Saacado kadib markii uu dilku dhacay ayay goobta soo gaareen ciidamo farabadan oo melleteri ah kuwaas oo meydad askarta daabulay.
Dadka deegaanka ayaa sheegay in xiisada colaadeed laga dareemayo degmada Wanllaweyn ee dilku ka dhacay, waa dilkii labaad oo muddo 24 saac gudahood ah saraakiil katirsan dowladda Federaalka loogu geysto Soomaaliya.
Dhanka kale warar dheeraad ah ayaa kasoo baxaya weerar xooggan oo saacadihii lasoo dhaafay ka dhacay deegaan katirsan gobolka Galguduud ee bartamaha dalka Soomaaliya.
Ugu yaraan 4 sarkaal oo katirsan ciidamada dowladda Federaalka ayaa dhintay tira kalane dhaawacyo ayaa soo gaaray kadib markii ay maleeshiyo hubaysan wadada ugaleen.
ilo wareedyo ayaa sheegay in maleeshiyo qaab beeleed u abaabulan ay deegaanka Balli-Hawd ku dileen Lix askari oo katirsanaa guutada 21aad ee fadhigeedu yahay magaalada Dhuusamareeb.
Wararka ayaa intaas ku daraya in Lix ruux ay ku dhaawacmeen weerarka kuwaas oo dhammaantood ah dhinacyadii dagaallamay.
Maleeshiyaadka DF-ka ee ku sugan degmooyin katirsan gobolka Galguduud ayaa si toos ah ugu lug lahaaday colaadda udhaxaysa maleeshiyaadka beelaha iyagoo qeyb weyn ku leh hurinta dagaallada ahliga ah.
