Sida ay sheegayaan wararka laga helayo degmada Jalalaqsi xoogag hubaysan ayaa halkaas ku dilay mas’uul sare oo katirsanaa maamulka gobolka Hiiraan uqaabilsan dowladda Federaalka.
Rag hubaysan ayaa xalay saqdii dhexe gudaha degmada Jalalaqsi ku dilay nin lagu magacaabi jiray Max’med Xuseen Barbar oo ahaa xoghayihii guddoomiyaha degmada.
War rasmi ah oo kasoo baxay Xarakada Mujaahidiinta Al Shabaab ayaa lagu sheegay in ciidamadoodu ay mas’uul ka ahaayeen weerarkii lagu dilay xoghayihii guddoomiyaha degmada Jalalaqsi.
Dhanka kale weerar qorsheysan oo ciidamada Mujaahidiintu ka fuliyeen deegaanka Xaaji cali ee wilaayada Shabeelada dhexe waxey ku dileen sarkaal ka tirsanaa kooxda Ridada kaas oo lagu magacaabi jiray Salaad Dalabeey waxaana lagu dhaawacay Labo askari oo Murtadiin ah.
Dhanka rag hubaysan ayaa xalay fiidkii deegaanka Weydoow ee duleedka Muqdisho ku dilay askar katirsanaa ciidamada dowladda Federaalka ee shisheeyaha la shaqeeya.
Ilo wareedyo ayaa xaqiijinaya in rag bastoolado ku hubaysan ay toogteen laba askari kadibna ay goobta isaga dhaqaaqeen, goordambe ayaa meydadka ciidamada ladilay goobta laga qaaday.
Dhinaca kale weerar Bambaano ayaa xalay lagu qaaday saldhigga booliska degmada Xamarweyn ee gudaha Muqdisho, jugta qarax xooggan ayaa mar qura saldhigga laga maqlay waxaana jira khasaare soo gaaray ciidamada booliska ee ilaalada ka haya saldhigga.
Goobta uu weerarku ka dhacay waxaa aad ugu xooggan qeybaha kala duwan ee ciidamada dowladda Federaalka.
