Tafaasiil dheeraad ah ayaa laga helayaa qarax aad uxooggan oo maanta barqadii ka dhacay deegaan dhanka galbeed uga beegan magaalada caasimadda ah ee Muqdisho.
Howlgal uu fuliyay dagaalyahan Natiis hure ah ayaa lagu beegsaday goob ay ku sugnaayeen saraakiil caddaan Ajnabi ah iyo maleeshiyaad katirsan dowladda Federaalka.
Qaraxa oo ka dhacay nawaaxiga deegaanka Lafoole waxaa ku dhintay sarkaal Turki ah iyo laba askari oo katirsanaa maleeshiyaadka Turkigu Tababaray ee Haramcad loo yaqaan.
War rasmi ah oo kasoo baxay taliska ciidanka Al Shabaab ayaa lagu sheegay in weerarka lagu beegsaday saraakiil caddaan ah oo ku sugnaa duleedka Muqdisho.
“Mujaahidiinta ayaa camaliyad istish-haadi ah ku beegsaday saraakiil Turki ah oo ku sugnaa nawaaxiga Lafoole, dhimashu waa sarkaal Turki ah iyo dhaawac soo gaaray laba kale halka laba askari oo katirsan kooxda Ridada ay ku dhinteen camaliyadda” ayaa lagu yiri warka kasoo baxay Al Shabaab.
Wararka ayaa intaas ku daraya in saraakiisha Turkiga ah ee lagu beegsaday duleedka Muqdisho ay socdaal indha indhayn ah ku sameynayeen wadada laamiga ah.
