Wararka laga helayo gobalka Xadra Mowt ee dhaca dhanka Bari ee dalka Yemen waxey sheegayaan in qeybo ka mid ah gobalkaasi lagu dilay sarkaal sare oo ka tirsan maleeshiyaatka Calooshood u shaqeystayaasha ay tababarta dowlada daba dhilifka Imaaraatka Carabta.
Weerarkan oo loo adeegsaday Dhabba gal ama Kamiin waxaa kolanyo ka tirsan maleeshiyaatkaasi loogu dhigay agagaarka deegaanka Al-daliicah oo ka tirsan gobalka Xadra Mowt.
Kamiinkan waxaa lagu dilay sarkaalkii watay kolanyada kamiinka loo dhigay oo lagu magacaabo Jeneraal Saalim Cali Baa-masduus iyo labo kamid ah ilaaladiisa gaarka ah.
Weerarkan sidoo kale waxaa lagu burburiyay mid ka mid ah gaadiidkii ay wateen kolanyada la weeraray.
Kamiinkan waxaa fuliyay ciidamo ka tirsan Mujaahidiinta Ansaaru Shareecah ee taabacsan Mujaahidiinta Al-qaacidah ee dhulka Jaziiratul Carab.
Weerarkan dhabba galka ah waxa uu kusoo aadayaa labo maalin kadib markii weeraro isugu jira qaraxyo iyo kamiin lagu dilay saraakiil iyo maleeshiyaat ka tirsan kuwa ay Imaaraatka tababartay ay ka dhaceen qeybo ka mid ka ah gobalka Abyan ee dalka Yemen.
Calamada.com
