Khasaara dhimasho iyo dhaawac leh ayaa ka dhashay shil gaari oo kolonyo askar ah ay ku galeen deegaan katirsan gobolka Nugaal.
Wararka ka imaanaya gobolka Nugaal ayaa sheegaya in kolonyo gelibinaysay hoggaamiyaha maamulka Puntland ay shil baabuur galeen.
Inta la xaqiijiyey 6 askari oo katirsan ilaalada gaar ah ee madaxweynaha Puntland Siciid Cabdullahi Deni ayaa ku dhimatay kuwaasi uu ku jira sarkaal lagu magacaabi jiray Khadar Cabdi Jalfis 5- kalana way ku dhaawacmeen shil ka dhacay gobolka Nugaal.
Shilkan ayay lakulmeen kolonyadii gelbinaysay Deni xili ay marayeen inta u dhaxeysa degmada Dangoroyo iyo tuulada Libaaxo oo ka tirsan Gobolka Nugaal.
Gaadiidka shilka galay ayaa hordhac u ahaa safar uu Deni maanta dib ugu laabanayo magaalada Garowe isagoo ka tagaya magaalada Boosaaso uu ku sugnaa isbuucyadii lasoo dhaafay.
