Faahfaahino dheeraad ah waxaa laga helayaa dagaal culus oo ciidamada Xarakada Mujaahidiinta Alshabaab ku qaadeen saldhiga askarta kenya ay ka sameysteen degmada Ceelwaaq ee wilaayada Gedo.
Ciidamada Shabaabul Mujaahidiin waxey dhowr jiha ka weerareen saldhiga waxaana dagaalkaas la isku adeegsaday hubka noocyadiisa kala duwan.
Mid ka mid ah Teendhooyinka xerada kenyaatiga ee la weeraray waxaa ka kacay dab xoogan kadib markii ay haleeshay rasaasta mujaahidiinta.
Dagaalka markii uu soo gaba gaboobay waxaa xerada soo caga dhigtay diyaarado elecobtar ah kuwaasi oo xerada ka daabulay askarta saliibiyiinta kenya ee baqtiga iyo dhaawaca ku noqday dagaalkaas.
Wararkii ugu dambeeyay waxey xaqiijinayaan in askarta Kenyaatiga ee lagu dilay dagaalka Ceelwaaq waxaa ku jira sarkaal labo xidigle kenyaati ah, Waxa uu dagaalkan kusoo aadayaa xilli ciidanka Shabaabul Mujaahidiin weerar culus ku qaadeen askar kenyaati ah oo ceelbiyood ka qodanayay deegaanka Homaja-yareey oo dhaca xad beenaadka u dhaxeeya Jubbooyinka iyo dhulka Kenya xooga ku heysata.
Calamada.com
