Dowladda Mareykanka ayaa sheegtay in tababar melleteri ay usoo xirtay maleeshiyaad katirsan dowladda Federaalka gaar ahaan kuwa caanka ku ah xasuuqa dadka shacabka ah.
Munaasabad ka dhacday magaalada Muqdisho ayay kasoo muuqdeen Saraakiil American ah oo si toos ah iyo si dadban ugu lug leh duullaanka ay dowladaha shisheeye kusoo qaadeen dalka Soomaaliya.
Tababarkan ayaa loosoo xiray illaa 31 askari oo katirsan Maleeshiyaadka loo yaqaan Danab oo ah maleeshiyaad ay dowladda mareykanka u adeegsato gummaadka dadka shacabka ah badnaa waxay fuliyaan weerarada habiin dheelmadka ah ee lagu qaado macaahidda waxbarashada iyo beeralayda gobolka Sh/Hoose.
Saraakiisha Mareykanka ah ee tababarka siinayay Maleeshiyaadka Danab waxay ka tirsantihiin guutada 10-aad ee Buuraha oo uu fadhigoodu yahay degmada Drum ee gobolka New York dalka Mareykanka.
Sawirro uu faafiyay taliska ciidanka Mareykanka qaaradda Afrika ee Africom waxaa kasoo muuqanayay saraakiil American ah oo gaadiid xamuul ah iyo qalab ciidan ku wareejinaya maleeshiyaadka Danabd loo yaqaan.
Col. Chris Smith oo kamid ahaa saraakiishii Americanka ee tababarka bixinayay ayaa sheegay meel hoose ay ka bilaabeen tababarka ayna maleeshiyaadka Danab gaarsiiyeen meel sarraysa wuxuu carrabaabay in qalab iyo hub ay siinayaan maleeshiyaadka ay tababareen.
“waxaan rajo ka qabnaa in ciidamada Danab ee aan tababarka siinay ay qabtaan wixii loo carbiyay oo ah ladagaallanka Al Shabaab” sidaas waxaa yiri Chris Smith.
Waxaa xusid mudan in tababarka Mareykanku siiyo maleeshiyaadka Danab iyo Alpha Group uusan ugu danaynayn balse uu yahay mid loogu daneynayo mashruuca ladagaallanka waxa loogu yeero Argagaxisada ee Mareykanku ka wado Soomaaliya.
