Alle ha u naxariistee waxaa cisbitaal kuyaal magaalada Istanbuul ee dalka Turkiga ku geeriyooday caalimkii waynaa ee Sheekh Cabdulmajiid Bin Cabdullaahi Al-zandaani, oo ahaa caalim umaddeed oo kasoo jeeda dalka Yeman.
Alle ha u naxariistee wuxuu sheekhu ahaa mujaahid usoo halgamay diinta islaamka, wuxuu ka mid ahaa hormuudkii umadda ee uu Allah ku sharfay inay jilbaha dhulka ugu dhuftaan midowgii Soofiyeet ee ku duulay dalka Afghanistan, raggii ay halganka isla soo galeen waxaa ka mid ahaa Sheekh Cabdalla Cazaam Alle ha u naxariistee.
Sheekha ayaa caan ku ahaa fidinta diinta islaamka, waa aasaasaha jaamicadda Al-iimaan oo ay kasoo qalin jabiyeen kumannaan ka mid ah dhalinyarada reer Yeman, uu ka mid yahay Alle haka aqbalee shahaadadiisa Sheekh Xaarith Bin Gaazi Al-nadaari iyo hoggaamiyeyaal kale oo kaalin weyn kulahaa jihaadka ka socda dhulka jaziiradda carabta.
Sheekhu wuxuu caan ku ahaa in uu dadka gaalada ah uu usoo bandhigo mucjisooyinka Qur’aanka kariimka, taasi oo keentay in dad badan oo Kiristaan ah ay diinta islaamka qaataan, sheekhu wuxuu aasaasay guddiga caalamiga ah ee Mucjisooyinka Qur’aanka kariimka iyo sunnada Nabiga SCW ee magaalada barakaysan ee Makkah.
Al-callaamah Sh Cabdul-majiid Bin Cabdullaahi Al-zandaani ayaa khamiistii shalay ku geeriyooday cisbitaal kuyaal magaalada Istanbuul ee dalka Turkiga isaga oo 82 sano jir ah, waxaa dadka geerida sheekha ka taciyadeeyay ka mid ah Sheekh Dabiixullaahi Mujaahid oo ah afhayeenka imaarada islaamiga ah ee Afghanistan.
Hoos Ka Daawo Sawirro Sheekha laga qaaday intii uu socday halgankii Soofiyeetka looga xoreeyay Afghanistan.
