Inta la xaqiijiyay ugu yaraan hal qof oo Kenyaan ah ayaa ku dhintay halka 4 kalena dhaawacyo halis ah ay soo gaareen kadib markii ay isku dhaceen gaadiid tareen ah iyo mid xamuul gaar ahaan nooca loo yaqaan lorry-ga xilli ay marayeen waddo aad u mashquul badan oo xiriirisa magaalooyinka Nakuru iyo Eldoret ee dalka Kenya.
Shilkan gaari ayaa si gaar ah uga dhacay meel u dhow deegaanka Kuresoi, halkaas oo dadka deegaanku ay ku tilmaamaan goob inta badan shilalka ka dhaca aaggan ay ka dhacaan.
Dad goob-joogayaal ah ayaa warbaahinta maxalliga ah u sheegay in mid ka mid ah dareewallada uu u muuqday mid lumiyay Kaantaroolka gaariga, sababo ku aaddan roobab xooggan oo halkaasi ka da’ay, taasi oo keentay inuu ku dhaco gaari xamuul ah.
Marka laga soo tago qofka ku dhinray shilkan, dadka dhaawacmay ayaa loo kala qaaday Cisbitaallada magaalooyinka Molo iyo Nakuru, qofka dhintay ayaa isagana meydkiisa loo gudbiyay qeybta meydadka la dhigo ee cisbitaalka Molo.
Dhowaan ayay ahayd markii shil xooggan oo ka dhacay wadsankaas, gaar ahaan waddada xiriirisa magaalooyinka Mombasa iyo Nairobi ay ku dhinteen ugu yaraan shan qof, halka kuwa kalena ay ku dhaawacmeen.
