Inta la hubiyay ugu yaraan ilaa lix xubnood oo Kenyaan ah ayaa ku dhintay, halka tiro intaas ka badanna ay dhaawacyo kala duwan soo gaareen, kaddib shil xoogan oo laga soo calaamadiyay binta u dhaxaysa magaalooyinka Eldoret iyo Nakuru ee waddanka Kenya.
Shilkan ayaa yimid kaddib markii ay isku dhaceen dhowr gaari oo kala ah Mercedes-Benz iyo gaadiidka dalka Kenya looga yaqaan mataatuuda, waxaana shilkan gaari si gaar ah looga soo tabiyay halka loo yaqaan Rapture area.
Warbaahinta Kenya, waxay sheegtay in dadka dhaawacyada qaba la geeyay cisbitaalka deegaanka Burnt Forest, halkaas oo lagula tacaalaayo dhowr xubnood oo dhaawacyo kala duwan ay kasoo gaareen shilkan gaari, halka dadka shilkaasi ku dhintayna la geeyay goobta meydadka la dhigo ee cisbitaalka deegaan lagu magacaabo Eldama Ravine.
Shilkan gaari ayaa qayb ka ah shilalka gaadiidka ee laga soo tabiyo ismamullada dalka Kenya, sanad walba waxay waaxda la socodka gaadiidka Kenya diiwaan gelisaa dhimashada kumanaan qof iyo dhaawaca kumanaan kale, kuwaas oo gallaafta shilalka gaadiidka.
