Dagaalka xooggan ee ka socda magaalada Laascaanood ee gobolka Sool ayaa yeeshay waji cusub, ka gadaal markii maleeshiyaadka maamulka ashahaada la dirirka ah ee Somaliland ay duqaymo xooggan ku asqeeyeen xaafadaha magaalada.
Dagaallada oo saakay markale dib u billowday ayaa badi ka dhacay dhanka bari ee magaalada Laascaanood, halkaas oo ay isku horfadhiyaan ciidamo taabacsan dadka deegaanka iyo maleeshiyaadka maamulka ashahaada la dirirka ah ee Somaliland.
Ilo wareedyo ku sugan magaalada ayaa soo sheegay in marba marka dambeysa ay dagaalladu sii xoogaysanayaan, dhinacyada ayaana isu adeegsanaya hubka culus, maamulka ashahaada la dirirka ah ee Somaliland ayaana madaafiic tira beel ah ku garaacaya xaafadaha ay ka kooban tahay magaalada.
Khasaare dhimasho iyo mid dhaawac oo aad u badan ayaa ka dhashay isku dhacyada Laascaanood kuwaas oo boqol kor u dhaafaya. inksatoo aan tirakoob rasmi ah la heynin.
Muuqaallo iyo sawirro lasoo qaaday ayaa muujinayay xaddiga madaafiicda ay ridayaan maleeshiyaadka maamulka murtad Muuse Biixi ee ka dhanka ah dadka rayidka ah iyo goobaha lagu cibaadaysto.
Muuqaallo ay faafiyeen dadka deegaanka ayaa muujinayay duqayn lala dhacay masjid lagu magacaabo Salaaxuddiin Al-ayuubi oo ka mid ah masaajidda magaalada Laascaanood.
Dhankooda muuqaal ay faafiyeen maleeshiyaadka maamulka ashahaada la dirirka ah ee Somaliland ayay ku faaneen madafiicda iyo hubka culus ee ay ku garacayaan xaafadaha maagalada Laascaanood, xilli ay dadka shacabka ah barakac ku jiraan.
Duqaymaha maamulka ashahaada la dirirka ah ee Somaliland ayaa sababay in badi markale ay dadku billaabaan inay isaga barakacaan magaalada, inkasto ay dhinaca kale socdaan dagaallada u dhaxeeya dadka deegaanka oo iska caabinaya maalinkii saddexaad dagaalka ay kusoo qaadeen maleeshiyaadka maamulka murtad Muuse Biixi.
